39 歲 Private Banker 朋友
頭先睇完《星期日檔案》講女性雪卵嗰集，入面啲案例真係好觸動到我。其實雪卵呢個話題，唔只係科技問題，直頭係一場兩性價值觀嘅大戰。
諗返起我身邊位 Private Banker 朋友，佢今年 39 歲，分手後第一件事唔係去旅行散心，而係去咗美國「雪卵」。
佢當時同我講咗句好型嘅話：「我咁辛苦爬到呢個位，唔係為咗隨便搵個人一齊過日子。如果嗰個 Soulmate 仲未出現，我唔想我嘅生理時鐘，變成我挑選另一半嘅壓力。」
講真，邊個唔想好似電視劇咁，喺最啱嘅年紀遇到最啱嘅人？但現實係：當你 20 幾歲事業起步，你忙住向上爬；到你 30 幾歲有能力、有返咁上下社會位置，先發現身邊嘅男人一係已經結咗婚，一係就係你唔想同佢結婚。
好多人覺得雪卵係「買保險」，但我更覺得係一種女性「奪回主權」。
但係，呢種「主權」喺男人眼中又係另一回事。我睇返啲討論區，啲留言真係好直接。(留言續)
#星期日檔案 #雪卵 #兩性關係 #港女 #港男 #生育焦慮 #婚姻價值觀 #Soulmate #PrivateBanker #自由與代價 #現實殘酷
會話：「妳雪咗卵姐，妳個人始終會老。男人搵對象除咗睇生唔生到，仲會睇妳幾多歲。妳 45 歲拎個 30 歲嘅卵出嚟生，妳仲有無體力湊？到時男人係咪仲想同妳一齊？」
甚至有人質疑，女性所謂「唔想委屈」，其實係咪代表「要求太高」？雪卵係咪畀咗女性一種「我可以慢慢揀」嘅幻覺，結果最後反而錯失咗建立家庭嘅黃金時段？
呢度出現咗兩種好極端嘅態度：
一邊係「Option 派」：使 10 萬蚊買個機會，總好過 10 年後對住個唔夾嘅人。我唔係唔想生，我係想「等」。既然科技可以幫我將時間定格，點解唔畀多個選擇自己？
另一邊係「現實派」：打針好辛苦，雪咗亦唔保證 100% 成功。與其將希望寄託喺冰櫃，不如趁而家更精準咁去擴闊圈子？既然事業可以 Planning，愛情同家庭其實都係需要更好嘅「投資規劃」。
其實無論妳揀邊樣，最緊要係——妳手上有無「選擇權」。
如果呢幾年可以遇到一個可以一齊進步、諗法類近嘅 Partner，邊個仲想去打針？但如果嗰個人仲未出現，雪卵或者係女性對抗時間最體面嘅方式。
不過，我想聽下大家真心話：
對女仔嚟講：妳覺得雪卵係一張「自由票」，定係一張遲早會過期、甚至用唔著嘅「昂貴安慰劑」？
對男仔嚟講：你又點睇女性呢種身體自主，用金錢與科技，嚟換時間同機會嘅雪卵決定？
歡迎喺下面留言，傾下妳/你心目中嘅 Plan A 同 Plan B 係點？或者 Plan C ?
有錢啲再直接搵代母生，唔怕自己年紀大，生B B辛苦，生咗之後搵一個可靠嘅工人幫手湊，自己繼續事業上打拼，放工返屋企就享天倫樂，男人都skip 埋，仲靠男人嚟做咩呢？幾年前我記得蘋果訪問咗個女仔類似嘅，不過佢係做人工受孕直接自己去美國生，我仲記得佢屋企係有幾姊妹，所以原生家庭有強大嘅支持，仔仔出世有幾個阿姨，甚至佢媽媽身體仲係好強壯可以幫手湊孫，我仲記得個女仔個樣幾靚同優雅，我係同性都覺得佢係高質👍
Yes
其實只要搵到錢
Skip咗男人完全唔大問題
一個覺得自己xxx ，就唔可以xxx 既人，係唔會搵到蘇眉。
蘇眉只會出現係對生活每一件微小事情都抱住感激同欣賞既態度既人身邊。
雪卵冇乜意思，我覺得係傾向自我感覺良好，始終女人年紀大左，體力大不如前，懷孕加湊仔都會好辛苦，請工人點都唔及自己湊，仲未計愈老生可以睇佢成長嘅日子愈少，40幾歲生，個仔大學畢業都近70歲，不如好似啲超有錢人咁，如果自己有經濟能力，喺外國搵優質精子，早啲生，自己懷孕自己湊，有啲係第一胎自己陀，之後果啲搵人陀。成個過程到小朋友成長都唔需要一個爸爸，咁咪幾好.
仲有第三種係門當戶對既唔想同佢結婚，因為人地有能力，唔想要個3x-40歲已經老既貴價女人
我係非常支持年輕女性朋友去雪卵，比多個選擇自己，將來生吾生可以再決定。好過將來花更多錢去IVF 或甚至生吾出。
領養代替自己生都係一個好選擇。所有小朋友都唔係自願嚟到世界上，而係因為自己想要養育子女嘅意願而被逼成為人。領養就唔需要逼多一個人出世，而係拯救多一個無辜嘅生命
偽命題,卵係雪左但高齡產婦不會改變,上帝對女性的不公平
係阿,代母都可以反口吾交個嬰兒出黎,Sor可能郁到某人的利益
點解覺得生理時鐘係挑選另一半嘅壓力？唔生唔代表人生不完滿不幸福，單身可以很快樂，已婚亦可以有共識唔生，我有好些朋友無生小朋友，婚姻生活同樣美滿，少啲煩惱
雪egg係第一步
搵到合適嘅人嘅時候時
其實都係要搵代母生
有錢可以點都得，雪卵代孕然後個細路搵專人湊，上名牌學校通通俾錢就得，一門生意你肯俾錢自然有人做，總之有錢個個都話得，最緊要搵到錢大水魚齊齊圍住你話你好得，愈高調愈多人跟你嗰套就重好，大茶飯㩒住搶年年加價開心死。
雪左先無壞嘅。
到時生不生，點解生，幾時生，點樣生
到時再算
有一日發現粒卵唔係自己😂🤣🤣🤣🤣🤣🤣🤣DNA唔岩，甘⋯⋯⋯
隋緣啦！
雪咩卵吖，直接買外國優質精子自己生啦，趁宜家未係最老就好做家長，仲可以生個mix嘅又好樣啲。
雪咗都唔代表幾年後遇到個啱嘅人結婚生仔，所以咪鬼等。