📌 90後嘅大家 究竟點
共 58 條紀錄
90後嘅大家 究竟點樣可以同老母和平相處
日日就嗌你生仔結婚
唔生第時就會後悔
又話不聽老人言 世上只有媽媽好
PUA到一個點
已經不求令佢收聲嘅方法
只求點樣唔會被PUA（除咗搬😀
我媽都成日問我嫁未，「你咁想嫁咪你自己離完婚再嫁」我係咁答我媽，答多幾次佢就冇再問過。
但佢講講下就會PUA，「世界上對你最好一定係阿媽」😵💫😵💫😀
我係80後做人老母個女19歲
我個女同我講佢第日唔會生BB
我無反對，只係話我都好恨有孫孫
然後個世界一日一日咁變
跟住我就好支持佢唔好生BB
我覺得我冇問個女帶咗佢嚟呢個世界
都冇得到佢同意係我自私帶咗佢嚟

我努力比一個更好嘅環境佢
愛佢陪伴佢，呢啲嘢係我唯一可以做到
諗吓諗吓，係囉，其實點解一定要生仔？
佢將來都一樣會辛苦為自己嘅未來
如果佢唔想，佢話想搵咗個錢好好享受呢個世界，我覺得好啱喎
係囉，每日生存已經唔容易
尊重佢嘅決定

好似冇尊重過⋯淨係要行佢個套 無可否認佢係佢嘅角度想我哋好 但唔係真係乜都啱⋯
係呀，如果從父母嘅角度出發，大部份父母都會諗嘅嘢係為仔女着想，呢一套理念真係常見亦都正常
我自己有可能都會有某部份嘢認為係咁，不過會同佢傾吓睇吓佢意見係點樣先
因為我知道冇得迫，咁大個女逼佢做只會令佢永遠都唔會當我係朋友咁樣傾偈
另外就係我覺得我已經好自私帶咗佢嚟，佢唔係吸毒做壞事，咁佢可以有自己一套嘅人生
唔好怪佢哋
其實做人父母係真係好難
好似人生交叉點咁……
我以前都會做錯，不過一路學習點樣做一個可以明白事理嘅媽媽
仍然學習中
生仔有無用，你媽會唔知咩？你就做你媽的逆子囉😂🤣 好快就明白生仔無用
左耳入 右耳出
「哦，哦。」
等佢講到自己口臭就會暫時停一陣
我嗰個都係咁 都無計
唯有自己調整下心態
由佢煩 反正我點做又輪唔到佢控制
陰公 老實講同呢種人硬碰硬等同火上加油
你軟對抗又食住你所以我都好明你
佢都唔care你會唔會聽佢講 感覺佢只係想搵嘢發洩
所以先可以不停嘈
Unfortunately 搬走真係唯一出路
同佢講
結婚生仔冇家用畀
老母你食自己啦，唔好諗住會養你
唔得嘅就話
你個人麻x煩，冇人要㗎喇
自己都養唔掂自己，一陣畀人騙財騙色就要佢救
咁佢會收聲㗎喇
見到你覆其他人
你阿媽係自我感動，攞住「我為你好」做擋箭牌嘅人
根本冇諗過你個角度，點解唔想結婚生仔
所以係除咗聽到就發佢脾氣之外
你冇其他方法令佢收聲……
佢有冇諗過
佢係少數嘅拍拖結婚生仔之後仍然過得冇乜風浪嘅異數呢？
唔係人人都可能咁好彩，包括你
同為90後，雖然我有小朋友，但而家個社會、大環境、經濟等變得太多同太快，好似生左出黎要佢地受苦咁，真係心痛佢地。
所以我只求小朋友可以健康、幸福快樂咁生活落去。
自己一個自由、快樂都幾好啊！
1.反洗腦：俾啲結婚後好慘既真人真事佢睇。
2.等：等到佢覺得你已經唔係佢覺得適合生仔嘅年紀。
3.話佢知依家現實生活嘅小朋友同以前唔同，要贏在出世前。
唔洗叫佢收聲嘅，你都share 啲嘢煩下佢。
同佢講，要揾個有車有樓，年薪HKD300,000 五官端正，身高180cm 以上，唔煙唔酒唔講粗口的，年纪最多大五年，問佢有冇介紹
次次見到東張西望果d騙婚騙錢就同母親講：嗱嗱嗱！結婚阿嗱！生仔阿嗱！結婚生仔下場就係禁架啦！
問佢係咪有富二代介紀？要有車有樓，嫁咗每月有家用6位數，有工人照顧嗰種喎！無，就唔好講咁多，有無靚仔帥哥呀？要好似阿邊個咁靚仔喎！
如果佢叫你照鏡先？
咁你咪話，你都識講啦！無咁大個頭，就唔好諗咁多嘢啦！
只需要母親给講結婚，買樓，生仔，湊孫一切使費，全由母親負責，生ー打都得。
有時粗俗D先真正起到阻嚇作用
斯斯文文，佢哋以為你淋善，當你冇到
問返佢
「你生完我你都冇後悔咩？咁我唯有令你後悔。」
講到死個刻都唔好應承佢地自私嘅要求，要浸沉係養得起自己就已經好滿足的世界。
仲要搵一堆婚姻失敗的例子令佢冇得提結婚先係人生完滿。
經濟攻勢：有孫等於瓜分你家用，加再次成為揪仔奴隸。
盡量唔好講野唔好溝通 佢地永遠唔會去理解你 當大家冇到
潛台詞：你吾嫁，我要養到你入棺材呀 😂 你咪同佢講吾想就係吾想，無得迫，嫁錯人仲慘過吾嫁。吾通 2026 年仲盲婚啞嫁咩 🙄🙄
‘你講得好啱 我無你咁叻所以做唔到’🥹 捧高高由佢講
其實唔會和平😂