Bistro泰式烤魷魚 🦑 男仔必學加分菜！
《Bistro泰式烤魷魚》
片中材料
魷魚 兩條 ｜ 芫荽 兩條 ｜ 蕃茄仔 適量 ｜ 紅椒 適量 ｜ 辣椒仔 適量（視乎口味） ｜ 蒜頭 適量 ｜ 青檸 適量 ｜ 檸檬葉 適量
醬汁比例
砂糖 1湯匙 ｜ 生抽 1湯匙 ｜ 魚露 2湯匙 ｜ 清水 少許
1.先去街市買兩條魷魚，滾水落去煮 1 分 15 秒，夠鐘撈起吹乾。
2.準備醃料：喺碗中加入 1 湯匙砂糖、1 湯匙生抽同 2 湯匙魚露，攪拌均勻。
3.將魷魚放入醬汁入面，醃大約 5 至 10 分鐘。
4.準備泰式底汁：將芫荽、蕃茄仔、紅椒、辣椒仔同蒜頭切好，全部放入攪拌機，加少少水 blend 埋一齊。
5.細火起鑊，將魷魚慢慢煎到兩邊金黃色。想賣相再靚啲，可以用火槍燒香表面。
6.先喺碟上面舖底汁，放上切件嘅魷魚。
7.再淋多一匙羹底汁喺面。
8.最後加埋青檸同檸檬葉裝飾，完成！