C+偵探的日常
有時真係好唔明啲男人，寵到個老婆燶，層樓寫老婆名，首期同供樓都係男人比，管接管送，放假必定自己去買外賣早餐比老婆食，唔駛佢陪自己父母飲茶，唔駛跟去拜山，唔駛探病，個老婆又真係唔去，我覺得個老婆好唔尊重老爺奶奶，然後個男人又會出軌𠺢喎，係咪咁樣心理平衡返？咁究竟係愛老婆定唔愛老婆。
做C+偵探做到懷疑人生😂
唔係唔愛個老婆，應該係需要有老婆呢個角色維繫住嗰家，門面，應付屋企人。我果個出面都有女人，我都忍咗10年冇離婚，因為有小朋友，宜家小朋友大，我唔會再忍落去。
男人浪漫化咁錫一個女人只有以下可能：
1.感動緊自己
2.彌補緊過錯
唔愛老婆但想自己喺外人眼中係愛老婆嘅形象，相關電影: The Housemaid 美傭誘罪。
老婆性吸引力唔夠強/單純有得食就食
平時對老婆好係因為佢需要段關係，婚姻既功能唔只係性
我答你：
係愛老婆，我都寫老婆名
亦都愛小老婆（同小3都一齊17年）
老實講，小嗰個已做好隨時散水嘅心理準備，所以最終都係返老婆身邊嘅
我朋友都係咁喎，佢老公喺屋企又煮飯又洗衫，但係出去偷食1X年，我朋友明知嘅，都吾嘈吾鬧，總之吾離婚，而家等睇下邊個走先。
識有個人係話出面有第二個先可以叉電比自己返去面對老婆d要求，我前夫當年就話要透過溝第二個去學點樣翻屋企tum我，最諷刺嘅係我同佢一齊20年，佢對我最好嘅時候就係佢出軌嗰兩個月 🤬
你都傻嘅 －邊婚姻中出軌 －邊又要個（老婆）女人同你去供樓 幫你煮飯 拜山 探病 陪你家長老 又要尊重尼個果個... 好意思咩 你一日出軌 啫係未經佢同意出賣專利權 仲有面好意思有要求 你反省下自己啦 何謂你初一佢十五 正常 惱得緊要 女人出面整件你養都仲有本事😪🙄 好易明 有咩會唔明 你明 佢明
個男人最愛嘅係自己，佢當然要對老婆好好，咁佢先可以令到老婆冇懷疑，自己安心出軌
成件事唔衝突，出軌都可以係愛老婆，男人天性嚟
我老闆同佢身邊朋友都愛錫老婆s仔女又愛女朋友s
洗咩懷疑人生？男人既想要頭家，又想系出面有三四個女伴，明知出面大家都系逢場作興！到老了，玩夠咪回家，有老婆，仔女享樂la，吾通出來玩果d真系單純愛咩😏$作怪咋
上面呢個case 佢愛老婆 但感受唔到老婆愛佢 佢都想被愛 所以搵第二個女人愛佢 我覺得係呢度個小三慘過老婆 跟住個男人咩都冇 又知道個男人對老婆甘好一定會上頭 一定會想上位 求而不得最浪費人生
借老婆過橋，個男人時間唔夠用於佢爸爸媽媽果邊，咁樣老爺奶奶覺得媳婦不孝，話媳婦，多數個仔時間管理大師，唔係愛老婆，係愛自己
唔愛老婆，只係老婆有利用價值，工具要耐用都要好好保養。
策略...
做到咁，佢老婆係嗌離婚時要考量考量，最後隻眼開隻眼閉。
有啲男人人格分裂要做俾人睇平時屋企一兩句都冇，但係呢生日又要打卡影相做俾外人睇要建立人設
玩還玩，唔好玩到一身病返嚟要個老婆埋單，到時就見真章喇！
個老公係唔係相信風水玄學既人黎架...會唔會係因為有師父講過呢個老婆會旺佢
寵老婆呢part一定係女人講出嚟做版本黎🤣
如果由男人同佢啲兄弟講出嚟個故事應該會唔同曬