Day 21
今日第一次同男朋友講起自己爭銀行數
應該算係一個好嘅開始
希望2年內可以還完
但3月又多紅日
少左好多工翻😩😩😩
到底幾時先可以揾到份full time
唔使翻工咁唔穩定
放假個陣咁擔心有冇工翻🥺
現時欠債：425,937
我承認自己係抵死
但我自己種嘅因 我自己承擔
冇問朋友屋企人借錢
冇借二三線 應該唔會連累其他人
我認自己蠢
但我覺得自己係一個有擔當既人
我會為自己所做嘅事而負責
亦冇打算靠其他人
樓主， 如果有二、三線pm 你， 千奇唔好理。 死得仲快。 屋企人經歷， 最終要去到跳樓。
個d 財仔， 最叻叫你破產， 或者佢借比你， 但全部都係勁高息， 7 日數。
所以， 你睇下有冇屋企人幫你還到， 每個月努力搵錢。
7 日數既恐怖係你想像唔到。 佢地會可以一日打俾屋企人追數幾十次或以上、 上門扮郵差叫收件， 到紅油、 咩都有。
最終還唔到， 佢會屈聯絡人既錢，借幾萬， 屈幾十萬。
希望你盡快走出困局， 早日清晒數。
唔好再賭， 賭係永遠唔會win, 只會令到自己更加泥足深陷。
而家銀行睇得信貸報告好緊， 你而家呢個情況， 最好搵屋企人還晒先， 銀行有機會隨時出信叫你一次過清。
我既建議係真心希望幫到你。
咁後生
有人選擇破產熬4年
但如果你選擇兩年還晒
你往後幾年可能會儲到大錢
加油
衰啲講，好彩都係欠銀行數，辛苦捱幾年無事，落到2線就開始麻煩。
其實有正職嘅話年幾就夠還完 兼職如果穩定少少就2年
你肯定？當你年幾係23個月
你每個月都要還18500 你肯定你還得到？
唔係話睇死你 你而家連正職都冇
不試下去drp/iva
我ex都欠債，欠幾多我唔知，但佢最初話兩年還晒，我信佢 同佢一齊咗
但相處咗之後 我發現佢個人有好多問題，大洗/無邊界感/問其他仔借錢/唔理我等等... 但我偏偏好鍾意佢
而家我地分咗手喇，我都有做得唔好嘅 話晒佢都係女仔，而家佢應該都搵咗第二個，唔知好事定壞事，畢竟我真心愛過...
總之，希望樓主你唔好步我地後塵，加油喇
加油樓主 你呢個數努力捱幾年就可以還曬 千其唔好信坊間任何清數錢公司和中介 一線財務都唔好信！佢地只會幫你滾大條數 唔會幫你減輕！
香港地咁多工，你唔揀嘅一定有啦。
銀行，餐廳文職點會搵唔到工啊？勤力啲，但係如果係我知道另一半差咁多錢認真想分手
慢慢努力還，受下先識吸取教訓，男朋友幫你還盞害左你