Good morning ☺️
看了上一篇的留言，似乎大家都不能原諒伴侶出軌，但好多人都因為各種原因無奈要選擇原諒，投個票？
如果我嘅文章令大家勾起不快回憶，我很是抱歉，也給你一個大的抱抱🫂🫂
如果原諒的，除了小朋友，留言係乜嘢原因，想了解下
不如我分享吓啦，我都一把年紀，我身邊出出入入都好多人又結婚又離婚，跟住又結婚又離婚。
我接觸嘅全部都係女士想離婚，真係未聽過係男人想離婚。就算係男人出軌，女人想離婚，係個男人唔啱，但係最後個男人都係唔會想放棄個老婆。
原因唔一定係鍾意個老婆，只不過係男人真係比較怕煩。
好多人都係心中永不原諒，只係現實上仲一齊生活，個感情已經唔一樣，變曬質。
不原諒，但如果有小朋友仍會選擇一齊住，直到小朋友長大就正式分開
理性分析📊
一來有完整家庭
二來屋企未必有其他成員可以共同照顧小朋友
三來經濟問題無法分開
但唔排除講就易，做就難，女人都係心軟，睇咁多次果啲藝人出軌，男人好似一定會被原諒😮💨
時代唔同咗，而家啲人普遍接受到‘離婚’呢件事，如果當事人接受唔到伴侶不忠，唔應該為‘仔女’做考量嘅大前提。以前啲人唔會輕易離婚，除咗考慮’仔女‘問題之外，仲有有父母嘅壓力。當年我姐夫出軌，我父母會話因為我家姐脾氣大難相處，姐夫先喺出邊搵第二個，叫佢原諒我姐夫，原諒咗唔夠兩年，姐夫再次出軌，最後都係離婚收場。我家姐獨身20幾年，依家逍遙自在不知幾開心😆
婚姻都係權衡利弊
出軌係選擇，通常啲女人好鍾意問點解你要咁對我？其實無原因，個男人揀開心囉
唔好用小朋友仲細去做藉口唔離婚，
如果女人係有經濟能力離婚，只不過係冇咗一個唔愛自己嘅人，好過以後不停內耗痛苦一生。
Ummmm 原諒原因唔係比機會伴侶，係比多次機會自己唔好後悔，因為由大家乜都無，從零開始到事業，家庭，細路各樣..就咁分開乜都歸零，可能有唔甘心，唔忿氣成份，因為妳永遠唔會知道佢真唔真心改過。
你都講得好啱，如果分開就好似放棄晒之前大家一齊建立嘅嘢
唔會原諒, 結婚係一種承諾, 唔守承諾就要承擔後果, 否則個個都走去出軌, 結咩婚?
時代改變, 已經唔係咩三妻四妾既時代, 當然亦有好多係女方出軌, 對自己既伴侶負責, 我成日同另一半講, 去偷食前放開我先, 我一定俾佢走, 對於唔愛我既人, 棄之不可惜
至於有冇錢, 如果本身結婚唔係愛而結合, 咁就另一回事, 即係事前都預咗對方會出軌, 咁就唔好怨囉
對於好多人因為小朋友而維持夫妻關係, 佢哋係真心好偉大, 我絕對接受唔到, 好大機會會去夫留子, 走佬
睇到40集，我都忍唔住要留言， 我應該大你小小，同年代。 我當年有個拍左7年拖的男朋友都係婚前俾我發現出軌， 我的原生家庭情況唔係好你好多。 越睇越諗返自己當年的野。 但我當年選擇分手💔。之後兜兜轉轉到37歲先揾到個真係對我好的人。 我真心希望你而家過的開心。 或者可以交個朋友🤗
世事沒有如果，不過聽到你嘅經歷
但係你話最後搵到個真係對你好嘅人，我都好替你開心🥹☺️
另一半出軌係人都唔想，好多人第一時間都會話唔會原諒的，但其實真係發生的話，係有好多野要考慮。
我朋友都試過老公出軌，中間我哋陪佢過左段黑暗時間，佢經多月考慮下，最後選擇比次機會重新再一起，我好支持佢的决定，目的只係想佢過得開心！當然雙方之後都要認真面對和願意改變，配合同磨合！
幸運地佢老公真的洗心革面，佢地而家過得非常好呀.
雖然我揀左為小朋友原諒，但個心就一定無辦法原諒，好多野係返唔到轉頭，只係為方便照顧小朋友繼續一齊住咁解
我未有咁既情況，只係imagine 如果真係發生左會點選擇🙈
發生咩事都要先冷靜，之後要溝通。以後決定點處理。離又好唔離又好。
現實中另一半做咗𣎴負責任嘅嘢，喺呢個年代，千奇百怪！出軌行為只是其中之一。
喂！係咪你又原諒佢
唔好呀😩真係好on9架
快啲寫睇到好緊張😂😂
其實個個 case不一樣 ，好難一概而論。 如果 個男人 本身好有錢 ，個女人 本身出身又不是太好 ， 男人出軌 好正常。 值得原諒。
咁我又想講，有冇錢嘅男人，其實都有機會出軌，所以真係一開始應該嫁個有錢🙈
其實如果自己條件可以 ，真係應該選個有。錢。 但無奈有錢人 極少， 你要埋一個有錢人身 已經好難 ，仲要過七關斬十將。
都唔係原諒唔原諒
單純唔想再有關係亦唔想再一齊生活
冇晒感覺又唔想佢有事去顧佢
好多野變左一個煩字因為唔想再付出