HKTVmall母企HKTV（1137）最新業績出爐，原本賣菜賣奶粉執唔少，經調整EBITDA有3.1億，客量仲創新高。點知數期一計，全年竟然蝕1.5億。原來核心業務賺埋都唔夠填，全因王維基迷上左生命科學，仲話要年花5000萬研究「器官保存」。
1.業績大倒退，錢去左邊？
HKTV 2025年虧損擴大1.2倍，蝕到1.5億。其實網購業務係賺錢架，衰就衰在「新探索業務」蝕左2.2億。除左英國果間無人店仲未見影，最重傷就係呢單研發項目。
2.38次頭身分離實驗，係咪衛斯理？
報告寫明已經做左38次動物「頭身分離」實驗，話分開左之後，肢體可以郁46小時，個頭仲有腦電波維持7小時。王維基話呢個係全球首創，想解決器官移植同長生不老喎。
3.每年燒5000萬，想同上帝鬥智？
公司打算未來幾年，每年起碼科水5000萬去搞。大佬，人地Google旗下搞生命科學係用幾十億美金計，而家王維基用賣生菜賺返黎既辛苦錢，拎幾百萬美金就想挑戰全球頂尖BioTech？
4.零售股變咗冒險VC？
以前買HKTV係睇好網購，而家好似變左創投基金，如果未來18個月都攞唔出國際級論文或者專利，散戶宜小心。
1.業績大倒退，錢去左邊？
HKTV 2025年虧損擴大1.2倍，蝕到1.5億。其實網購業務係賺錢架，衰就衰在「新探索業務」蝕左2.2億。除左英國果間無人店仲未見影，最重傷就係呢單研發項目。
2.38次頭身分離實驗，係咪衛斯理？
報告寫明已經做左38次動物「頭身分離」實驗，話分開左之後，肢體可以郁46小時，個頭仲有腦電波維持7小時。王維基話呢個係全球首創，想解決器官移植同長生不老喎。
3.每年燒5000萬，想同上帝鬥智？
公司打算未來幾年，每年起碼科水5000萬去搞。大佬，人地Google旗下搞生命科學係用幾十億美金計，而家王維基用賣生菜賺返黎既辛苦錢，拎幾百萬美金就想挑戰全球頂尖BioTech？
4.零售股變咗冒險VC？
以前買HKTV係睇好網購，而家好似變左創投基金，如果未來18個月都攞唔出國際級論文或者專利，散戶宜小心。