Hello 各位而家喺社福機構做嘅高層或者社工～
其實喺 Social Career /青年協會 呢啲義工平台做完義工時數，之後對入社會服務機構（例如做幹事）或者未來再讀社工，有冇機會幫到搵工或者增加獲聘機會呢嫁？🥹🥹
個人睇法🙈 義工經驗對社福界係有幫助的。不過唔係淨個睇時數，而係個個義工經驗比你的得著、你點轉化係日後應踐、點影響你睇service 、等等。或者老套地，至少show到你有passion ，識對人工作。
際遇好重要，遇到欣賞你既你點都得，遇唔到做咩都唔岩。
不過，我個人咁睇啦，呢行其實我都遇唔少人係好顛倒是非，做人冇咩Critical thinking但就係碌咗入去呢行，拎住個牌但係個腦個心都係冇料到。如果入咗呢行，遇到呢啲人嘅機會都好高，好多嘢唔係你正正常常，好有熱誠，好有心好有腦，就一帆風順。你響呢行遇到一個正常人，你會響佢身上學到好多嘢，反之，遇到啲唔好嘅人，唔單止令你冇成長，成熟度唔夠做癲你個人都唔知。
利申，我做過呢行，亦做過User。見唔少拎住個牌/讀緊社工嘅人個腦袋同埋觀念有幾匪夷所思。我覺得響呢行，與其諗點樣討好局內人，想局內人認同你，不如諗吓自己想成為一個點樣嘅社工好過，忠於自己內心覺得啱，覺得點先係公義嘅價值緊要啲。因為呢啲野，唔係有好多做咗社工嘅人係真係明白嘅嘢。
你諗吓，其實社福界最希望埋到位就已經做到嘢，咁你諗吓點樣達到呢個要求？
所以如果你嘅義工/你嘅經歷可以幫到你，包含活動策劃、評估及學術上的應用，我相信呢啲經驗百利無一害
會有少許幫助，但主要都係睇你性格，同信唔信任你有基本的工作能力
有時有啲機構有半公開計劃
係要聽啲姑娘社工介紹先知
網上面無宣傳 你話喇
難聽啲講
佢哋係你做義工
介紹得俾你叫你報已經係做左第一輪filter
當然唔包入硬喇
同個人覺得真係好睇人夾人
當然做義工係真心
但你點做義工再舖路入行係都要啲策略
Hello 通常系透過乜機構類型或者係乜嘢嘅義工計劃嘅字眼會係有依啲咁樣半filter嘅作用㗎。🥹🤔
帶翻頭盔先 我唔代表所有人😂
只係我啲個人經歷
無乜特別字眼
因為我個間我有search過Google
個計劃無官方page 反而係喺中心入面宣傳
真係唔人地推介都唔會睇到個隻
至於點解會被推介
係真喺要有啲記憶點俾人記住
例如有啲社工好鐘意feedback loop
如果你本身觀察力勁 可以試下提岀自己嘅睇法
當然係睇對方會唔會鐘意收feedback
同最緊要有持續commitment
如果fresh grad ,無咩工作經驗果陣係有幫助。
但對已經做左幾年野果D就已經無乜
我話你知，響職場世界，邊行都好，唔單單社福界，你響佢機構付出過都好，覺得你唔合適/唔鍾意你/有人好過你，其實都同你無親，唔好咁多幻想
有，寫落cv,見工會問到有無相關工作經驗，you can say volumneer which is the real experience of you
本身幹事level都唔應該有咁高要求🤧，不過義工嚟講你如果整合到你嘅經驗（活動策劃，帶領或者同user相處技巧）會比時數更有吸引力。同埋將來你想報讀社工，你做義工時嘅觀察亦都可以令你篇personal statememt更立體👀
最緊要係揀義工活動時搞清楚邊啲真係有嘢帶走，邊啲係純幫中心做騾仔就得了，加油👍
時數只係一個好虛嘅指標
你學到嘅經驗點幫到你未來工作先係重點
另外好實際嘅 擴闊自己人際網
你做義工識到NGO同事 到中心有開位
人哋見到你喺中心做開義工嘅表現都比較有信心請你