Hello大家好，我係ceci。
直到目前為止，我都係討論有關於精神科病房相對輕鬆嘅話題。
但其實我一直好想探討比較黑暗，隱蔽既一d問題。
睇到呢度，有個住院體驗嘅人應該都知我講啲乜嘢。
所以我非常鼓勵大家投稿，分享自己嘅經歷，正面又好負面又好，都比大眾了解多d。
正面係如果你比較醒目，大時大節會請你帶一些活動，我做過病房圖書館館長，協助院友借還書
簡單d
病房為左安全，第一晚點都挷左先
我本身腳/腰都傷緊，所以好痛
第二日見醫生都話無需要挷
複雜d，護士/姐姐既閒言閒語
我因為鎮靜劑既副作用，集中力下降
因此我會自言自語黎集中
什至住院期間太難捱，我會自我鼓勵/催眠
我平時有踢波，有加入足總乙組球隊
會叫自己做’運動員’，話要快d出院先踢到波
D護士/姐姐聽到，就取笑
什至話我有幻聽，因為我都知道有幻聽既病人大多會自言自語
或者話我有妄想，叫自己做運動員
個陣因為焦慮症爆發已經好難捱，因為d閒言閒語令我更辛苦
什至自己開始質疑自己係咪病情爆發而引發幻聽/妄想
成個人會好亂
最後自己都知係真實既
其實要觀察病人狀況係護士職責
但取笑/講閒話係另一回事
我覺得係有違工作操守
所以都有少嬲
本人係入過青山既 唔知成人同兒童病房有啲咩唔一樣 我就講兒童病房啦 我入去就冇俾人綁手綁腳嘅 但係都係因為鎅手而入咗去嘅 入咗去一個星期整就出咗嚟
因為之前小妹都係因為情緒問題都入過一次院 但係喺急症到住嘅 but因為喺入面發生一啲令我唔開心嘅事情 就一講起「住院」呢個字就會好驚 就會諗返起之前唔開心嘅時情la 喺去青山之前 我喊到個眼紅晒腫晒 都係之前嘅事情諗返起
兒童病房入面 係一個大房間 但係分咗三間房同一個廁所 但係嗰三間房有一塊好厚嘅玻璃隔住咗同有對好厚嘅門 你係入面係比人鎖左係入面 入面有張床 好硬 玻璃上面有好多血跡 廁所都係鎖住 你要去廁所要撳鐘搵姑娘開門 但係有陣時姑娘唔會聽到 可能你要忍2-4個鐘頭先去到廁所 仲慘嘅係呼叫姑娘嘅個掣得一個 如果你嘅病友喺度瞓覺嘅話你好難叫醒佢 黑暗嘅唔係冇手機 亦都唔悶 而係夜晚嗰時會有啲人喺度叫喺度尖叫喺度喊好大聲 可能你要半夜先瞓得着 朝早大概九點幾會叫你起身沖涼 沖完涼就會食零食 飲牛奶 所以如果你住喺可以望到出面嘅房 你見到啲人自由自在咁行 同埋都好想出院 我會覺得好絕望同無助  
因為比個護士長針對，我只係問攞鎮定劑食，佢叫埋其他ward既姑娘仲有經理一齊綁我，仲綁到我第二日唔比我食早餐
目睹附近床病友過身，姑娘匆忙過嚟拉布簾搶救，聽到心電圖機長bee....家人哭哭啼啼完之後“花車”過來接收遺體
呢個經歷我就冇親眼睇過，不過應該係好難受
Hello Ceci同咁多位👋🏼我都入過6次psy，而家based on personal exp，寫緊個故仔關於女仔psy ward，呈現返入面嘅正面同黑暗面，想聽下大家分享，for my reference or inspiration～希望多多交流🙏🏼❤️🔥💖🤝
其實真係會越住喺度越來越越嚟越癲 夜晚不斷拍拍拍嘈死人好撚恐怖 經常性尖叫勁多噪音 半夜唱歌 然後盞燈又開勁耐12點幾先熄 但係又6點着燈 長期俾盞燈照撚住隻眼 cls 冇病都住到癲
我都聽到有院友過身，醫護人員係禁叫院友名，但最後都係救唔到，第一次經歷
仲可以俾大家舒緩把抑壓嘅唔愉快嘅嘢事情分享俾大家知道等大家了解，
更可以喺呢一度可以安慰大家令大家嗰個情緒比較放鬆，沒有波動影響心情