IG其實另人好焦慮
唔po嘢 淨係睇人哋po嘢會焦慮
覺得人哋好有生活 自己冇
其實自己都有好多生活
自己po嘢 好多人望住自己嘅相都好赤裸
但係又唔可能唔social
仲要睇到story viewers 有啲人每條story都睇 仲睇得好快 但係從來冇like過 會覺得佢唔鍾意我但又要睇 雖然可能只係人哋本身鐘意睇story 每個人都睇 但我會諗多咗
可能我真係太i 有社交恐懼症焦慮症 但又鍾意社交鍾意玩 點會有我咁矛盾嘅人呢？
或者試吓淨係po自己，但唔睇人哋嘅。
會焦慮係因為你不知不覺間將人哋外向嘅一面同自己比較，但ig嘅世界通常都報喜不報憂。
我自己就無睇IGstory有咩人睇， 不過會random睇吓其他人嘅IGstory，
見到啲嘢食好似幾好食就會like見到自拍好靚女就會like，見到生活繽紛嘅人會like,
跟住我就會用放大鏡睇吓日本嗰邊流行咩打扮，睇吓有咩JD M，各品牌有咩新衫新化妝品。
跟住就會開IG reels睇吓狐狸、醬板鴨, 搞笑嘢，完😂
好有同感😮💨btw 睇得出你影嗰啲相都好靚👍🏻
冇㗎！以前成日睇d朋友周圍食好嘢去旅行覺得好羨慕，
當我有能力嘅時候做番同樣嘅嘢，第一次值得紀念，第二次覺得還好，過左第二次其實覺得不外如是。
慢慢超越朋友嘅時候反而變得超低調唔想post, 唔想引起是非/妒忌心。😂
其實我都係 其實我係好有生活 鍾意玩嘅都去玩 但係懶得po嘢因為我拖延症好嚴重 想執得相好靚先po 拖拖下最尾可能已經唔記得成件事 但因為ig總會有比較 所以唔想俾人覺得我冇自己生活
其實唔會，唔好咁諗，
反而你冇post嘢先有機會比人估估下。
可以係「係咪發咗達所以冇post嘢呢？」嫁嘛！
通常都係平時冇乜生活，冇乜社交嗰堆人比你更執着搵嘢post.
過得好好嘅人多數只係隨心post, 因為they don’t care the others too much.
點解你會焦慮！！想 po 就 po 喇 唔緊要㗎 冇 like 你但係睇過證明都有留意到對方！無需要在意人哋鐘唔鐘意！！自己鐘意就得喇！有啲亦都可能係咁啱錄到...
出去社交太多 感覺身心疲累🫠 唔社交太i 對自己本身唔係咁健康 搵返個平衡點 🙂🤝
其實唔使咁焦慮㗎喎
自己想po咩就po咩
Live Yours 🤙🏻
歸根到底，個問題喺自己度。無需要將自己睇到太重要，亦無需要太在意別人點睇。focus on what you can control, your goal, your ambitions, yourself. 妳無咗自己，先會咁在意d外在而並不重要嘅嘢。