Leon 曾經講過，有啲場有Encore現場觀眾會爽，但睇完Show嘅朋友喺屋企知道咗會唔爽...... 所以佢唔會Encore。
同意啊。同埋，我覺得一場live成27首歌已經好夠聽，加埋cut 晒啲廢話，連贊助都唔提，真係幾爽。
唔encore 其實仲好，爽快d唔駛唔婆媽，快靚正好啱香港人
表面上唱3小時的歌手，大約都係唱28首歌左右，所以Leon雖然唱2小時，但節省了嘉賓環節、介紹台前幕後和鳴謝贊助商、換衫等等，他是交足功課的。
好爽！全勤嘅我表示可到早啲返屋企抖不知幾好！Encore 咪又係預先係rundown度嘅嘢！Leon 兩個鐘唱足27首，換衫加埋講嘢都唔夠十分鐘，俾足嘢你！有d換衫講嘢，俾嘉賓唱拖多30-45分鐘啦！最重要Leon 個show好精彩！佢唱完即走返屋企休息不知幾正常！留係度做乜😂
係呀,大家公平,你聽咁多,我聽咁多, 同埋有時睇某D歌手concert, 好早入左去幾分鐘, 等D觀眾係度叫Encore, 擺明知未唱完,但又要扮encore😑
有個不成文的猜測，Leon嘅偶像係Leslie，哥哥嘅show，喺後期已經唔encore。我覺得Leon係跟哥哥嘅做法
其實依家所謂encore已經係show吧一部份，encore唱咩歌、唱幾多首都已經係排哂入rundown裡面。所以有冇encore都冇分別，只係俾個位觀眾嗌encore
係呀，唔使多謝呢個嗰個，直接唱到底，好正
某君講多謝都講左半小時，時間太長了，我哋出於禮貌不停拍手，唉…無比較無傷害
同意呀~佢真係會儘量做到對每一場入場嘅觀眾公平, 你睇佢尾場都唔會專登加料加時就知
夾硬叫歌手encore，搏命唱唱壞咗把聲，咪棧啲歌唔好聽，搵歌手笨又搵自己笨！ 😂😂
尤其去到尾聲已經急緊尿時，仲要扮encore。。。心唸：快啲啦😵💫😵💫😵💫
佢睇得好通透，不會因部分粉絲覺得爽而忽略了其他粉絲的感受。