Mayday! Mayday!
愚人節，我嘅 Threads 被永久封鎖......

由第一個Austin嘅分享到。
俾人封鎖，唔夠48小時。
我好難過。

我唔知我做錯咗咩。
(唔知點解我哋係會莫名地去怪自己)
(其實好多時都唔關自己事)

我只係知道，我用好多心機去寫嘅每一個字，就咁消失咗。

第一刻嗰種衝動，點解！！！！
以後都係唔再分享，唔再寫，根本做嚟都冇用，可以無緣無故地被刪除。

想摧毀一切嘅情緒，我有，甚至會比普通人更加唔允許自己有啲咁破壞嘅情緒喺度。

我作為一個療癒師，情緒唔係應該好穩定咩？

「一切都係最好嘅發生。一切都係奇蹟。」

但去到自己身上，面對一件突如其來、完全無法控制嘅事情

我真係相信嗎？

我諗好多人以為，療癒師生活係一帆風順，勁正面樂觀。

以為佢哋唔會崩潰，唔會懷疑，唔會有嗰種想摧毀一切嘅念頭。

以為佢哋嘅情緒永遠穩定，永遠平靜，永遠係冇有怕。

但我想話畀你知療癒師唔係超人。

療癒師係一個，知道自己崩潰緊、然後敢於承認「我而家需要幫助」嘅普通人。

係一個，喺最想放棄嗰一刻，仍然能夠選擇回應自己內心嗰把聲音、然後真係去行動嘅普通人。

唔係因為佢哋唔驚。

係因為佢哋驚，但佢哋仍然喊出嗰句，

Mayday. Mayday.

然後佢會發現到，
原來呢份經歷背後真係有禮物。

其實到底佢係咪最好，係咪奇蹟，
根本唔重要。

最重要嘅係你相信
最重要嘅係你願意幻想

所以今日，做返最真實嘅自己。

唔諗太多，喺度呼叫：

Mayday. Mayday.
我需要幫助。我需要你。我重新開始！

如果你曾經係 @ciao.myself 嘅追蹤者，如果你曾經睇過我寫嘅任何一個字，甚至因爲我嘅文字有所觸動

我好想邀請你，再一次追蹤我。

唔係因為數字。

係因為我相信，我地都值得有一個人，喺身邊一齊仰望星空。

👽 我地，繼續幻想。