📌 Onlyfans 女
共 69 條紀錄
Onlyfans 女係「靠男人」，咁Sasa賣化妝品係咪「靠女人」？幼兒playgroup係咪「靠家長」？
容許我稍微拆解一下呢種意識嘅邏輯🙏🏻 我嘅觀點係：「靠男人」嘅指控只係偽裝成經濟分析、扮客觀描述嘅典型道德語言😂 文字內容會比較較長，歡迎大家睇完討論一下。
如果抽走道德批判、各種扭曲妒忌嘅情緒，件事就係：OnlyFans網黃提供影像內容同性吸引力，主要由男性付費；Sasa 係提供產品同美感價值，主要由女性付費。市面上大部份嘅商業運作，本質上無一能不走向利用特定客群嘅慾望、需求，向其出售價值，以換取金錢嘅模式。但女人嘅一系列經濟操作，只要涉及性價值，就自動會被貶低😂
而且，無論OnlyFans女定Sasa，本質上並無限制任何人去消費，只係假若某類客群需求特別大，某一類消費者自然較容易充斥市場，而每個品牌都有不同嘅營商策略，係咪「為」某客群而生，不能一概而論。
好似我咁，已經講過好多次，我從來都沒有特別打算去迎合咩男性市場😂 大家睇我post、寫嘅嘢就知😂 只不過我太有性格太可愛，肉量又夠，睇完應該感覺好飽，所以最後都係會有好多男人（同女人）想睇😂
同一套邏輯，Sasa 其實都可以被講成「靠女人」，但現實係冇人會咁講（並延伸至貶低Sasa）。因為「靠女人消費」，以及一切「靠」任何不同群體、各種慾望嘅消費，都會被視為正當商業操作，唯獨是一旦涉及消費男人嘅慾望、女人嘅性經營，就必會被冠上道德污名😂
所以問題嘅根本唔係「靠」定唔「靠」，而係社會對女性嘅性表達存在根深蒂固嘅污蔑。Sasa向女人sell化妝護膚品、服美役、形象氣質，社會稱之為品牌價值、營商策略；但當女人直接將性吸引力變現，就會被講成「靠男人」，而唔係經過一系列精心策劃、推動、試錯、經營、含風險嘅一般商業投資行為。呢個落差，好大程度係社會有人接受唔到女性咁直接地掌握、運用自己嘅性價值，而Onlyfans女喺商業操作上有咩本質上嘅差異。
「靠男人」思維嘅底下係一套好傳統、根深蒂固嘅性別權力框架預設：將男人預設為主導者、資源提供者，女人就只能係被操弄、被動接受。所以，只要見到女人從男性身上獲得金錢或資源，就會被慵懶地解讀為「依附」。但現實嘅操作係，喺 OnlyFans 呢類平台，唔少女性往往係主動將自己嘅吸引力、內容同形象商品化，自己定價、自己營運、自己控制界線，明顯並非交易中嘅附屬，極具主體性。（當然亦有部份被集團操控，但跟今日討論話題無關。）
Flip 一flip 個coin，市場交易明明就係雙向嘅價值交換，如果真係要用「靠」呢個邏輯，同一套操作下，男人其實同樣要「靠女人」去獲得性滿足、情緒刺激。冇網黃提供內容，呢種需求就會被懸掛在木頭、鬱鬱不得射😂 但考慮到：（1）付費者提供嘅「錢」能夠簡單顯淺地被量化，而網黃提供嘅價值、背後嘅成本操作比較複雜，涉及到精神層面、輿論嘅操作等 ，懶人難以理解，或刻意忽略（2）對女性性自主嘅漠視及污名，喺男女情慾嘅交流當中，強行將男人永遠定義為第一性、主動方、操控方，而女人永遠係被動接受嘅一方。因而 Lazy嘅道德批判者，就可以好片面地，將網黃為單方面「依附」😂
情形就有少少似，社會會詆毁家庭主婦係「靠男人養」，但同一套系統下，呢啲人就唔會強調男人係靠家庭主婦嘅勞動，先會擁有一個家庭。明明只係付出嘅形式不一樣，但女人嘅付出就不斷被打成「依附」，呢種不對稱嘅性別預設，係滲透住我哋社會整套嘅思維體制，無孔不入😅
回歸返 OnlyFans 呢個主題，點解「靠」呢類批評會特別集中喺女性身上，其實背後通常混合咗幾種意識形態，互相疊加運作。
首先係蕩婦羞辱（slut-shaming）、女性性自主嘅漠視。只要女性同「性」產生連結，就會被自動貶值、潑髒水，好似一旦涉及性，就唔再可以被視為一種正當嘅能力或資源，但僅限於女性利用自身，男性利用女性性吸引力賺錢受到嘅污名要比女性少。
第二係一種更隱性但更根深蒂固嘅觀念：女性嘅性應該係利他，而唔係利己。即係話，女性嘅性應該存在於關係、婚姻或者某種「被選擇」嘅框架入面，而唔應該被主動定價、明碼實價地變現。一旦女性主動將性轉化為資源，直接喺市場中交換利益，就等於打破咗社會一直默許女性要「無償提供性價值」嘅潛規則，既得利益者會開始慌😂 於是造成強烈反彈，解釋到點解咁多人鍾意針對我呢種網黃。
延伸落去，係一種對女性掌控自身性資源、直接獲利嘅不適甚至焦慮。當女性唔再透過傳統路徑（例如關係、婚姻）去交換性資源，而係可以繞過中介、直接面向市場變現，好多人會產生一種失衡感，甚至帶有妒忌或者敵意。
仲有各種各種嘅討論空間啦吓，我都好難一篇嘢講得晒😂
總之愚認為「靠男人」呢種講法，就係一種潑髒水嘅語言偽術。將各種壓抑女性嘅價值觀包裝成一個好似中立嘅描述，實際上係偷換概念，企圖將本來對等嘅市場交易，重新描述成女性處於低位、依附、甚至應該被看低嘅狀態，去令女性自身嘅性資源回歸返被社會、或父權下嘅既得利益者操控。
最後，我知好多人最後會錯重點，將討論議題，變咗討論「我」本人，例如指控我講咁多嘢都係想合理化自己嘅行徑😂 甚至着眼於討論我嘅樣貌、身材😂😂😂 我希望大家俾少少質素，然後明白我只係一個Nobody，真係討論返社會價值觀/風氣，唔好將一個社會觀念嘅討論，拉低貶成對我（一個隨時會死嘅人）嘅道德、利益臆測，完全冇意思😂 
以上。
分享下我YouTube channel嘅觀眾數據
我算唔算靠男人養？
我認真看完了，我就先不提SASA那一段
我必須要承認說網黃靠男人是蕩婦羞辱
但我認為這是保護社會公序良俗的一種必要的行為
我們首先要承認，女人不靠勞動而靠出賣性資源去獲利是有超量的金錢回報的
而對出賣性資源的女性名聲攻擊，本質是對所有在正常勞動獲得微薄報酬的女性提供一種心靈慰藉。
如果我們社會移風易俗，女性不以出賣性資源為恥，那就會有大量女性湧入風俗市場，直至賣淫的回報和普通的工作到達新平衡點
這樣的結果是女性從勞動產生價值進一步淪為討好男性而產生價值，這真的有好處嗎
其實Emilia講嘢有point，可惜呢度民智未開，你走得太前，佢哋理解唔到，亦接受唔到呢啲挑戰緊佢哋從小傳統灌輸嘅價值觀嘅點
但係onlyfans CEO 係男人（岩岩🪦)
佢靠女人搵左好多男人手上既鈔票？
討論係咪"靠男人"根本偽命題
明買明賣, 關性別乜事
we live in a society
其實所有人都要靠人㗎啦
你嘅客源有幾多女人有幾多男人？你自己有數據。唔係靠男人靠乜野？本身我就冇追開你嘅。網上話你有套寫真係for 女女嘅，但係又可以男人買喎？
我不嬲都話香港啲男人有錢戇居雞弱智，竟然課金買人啲相
我真的沒看完，因為你前題就錯了
某個（商品/企業/人）靠XX（主力商品/主力消費群）賺錢是一個很常見的說法
你單開一個SASA 靠女人賺錢，根本冇人會反對
網黃不是靠男人吃飯是什么呢？我還靠我老板養呢
很難想像前題錯了你怎么能激情寫那么多字，有趣
色相=商品/將性吸引力變現
本質上屬於自我物化, 將無價嘅事打上價格出售, 本身就係對自我嘅褻瀆
你可以話唔係完全靠男人,但往往消費者為男性,而出賣色相不論男女自然會被算作人格貶值,呢條產業鏈,服務者同顧客都係人性墮落,大多數人無法避免,只能盡量減少參與
你可以話一個人選擇工作犧牲時間換取收益時間係無價佢都屬於自我物化㗎
維護色相存在道德/倫理責任
而時間取捨, 僅個人選擇
完全係兩樣野
政府係靠納稅人
東江水係靠香港人
呢兩樣一定無撚有錯
咁男人都係靠女人先有得繁殖
先有得解決性慾
都唔知邊個靠邊個
賣女人衫就靠女人啦
賣男人衫就靠男人囉
Emilia！！！（燈牌+尖叫+心心眼）😍😍😍
你可以將和稀泥嘅不知所云嘅言論整理到邏輯、脈絡都咁清晰嘅長文！你是天才嗎？（以誇張修辭手法表達讚歎 ）
你做緊嘅嘢 （both of 營利方式同 advocacy ）係非常耗能同高難度（及高風險），你真係我偶像嚟！
😍😍😍😍😍
邊個靠邊個呢啲都費事討論
而家佢有冇揸住支槍要挾人課金睇靚相？大家都係自願😅有咩好講
何況Emilia 都好多女人客
請問女神幾時開付費substack寫性別議題 🙏🏽🙏🏻🙏🏽🙏🏻🙏🏽🙏🏻
SASA賣化妝品就緊係靠女人，無女人佢食屎咩？
幼兒PLAYGROUP緊係靠幼兒啦，無幼兒佢食屎咩？
你啲舉例都ONL9。
又咁講
如果你條片係拍 女女AV百合嘅，你話客源係女性，又提供到數據，咁有咩好反駁？無人會反駁㗎。
大家睇數據，唔睇9up。
Anyway
我對女性係咪靠XXX賺錢無意見。唔使攻擊我買唔買到樓。
各位男生，為了你們自己的社會地位，不要再花錢了，說到底，你花的越多，越不尊重你，為了什麼呢？
jhgg
1. 任何工作其實都係靠其他人消費而獲利，某d工作會有比較單一集中嘅客源，但任何工作都係工作，任何工作都係「靠」
2. 你估做OF或者性行業簡單？唔洗勞動？難聽d講打開隻腳就搵到錢？唔好傻啦，其實都唔簡單。首先係體力活，亦應該多數時間係唔太舒服，一個人冇可能長期都有mood或者身體狀況好，但當有job就要頂硬上，俗d講就唔係每次都爽，加上每一行都有西客。其次如果係自媒體，有好多背後嘅運作要處理，例如拍攝set up，燈光，剪片，處理subscriber疑問/要求，產出content，可能仲要同同行競爭etc。真心建議每一個質疑性工作者嘅人去試下先有資格講野。
其實認onlyfans 女靠男人有咩問題？
明買明賣有咩問題？
拍咸片唔係靠男人買唔通女人買咩？
sasa 入去幫襯唔係女人為多咩？
點解要唔肯認啫🤣🤣無人眨低你喎
放心(?) 其實同影相一樣，我寫呢啲嘢最主要都係想理清、釐清自己思路，之後唔好嘥同大家分享吓，可以的話收集吓feedback ✨至於feedback是好是壞是如何，我冇咩特別嘅期待。呢篇文所有嘅concept其實一直喺我腦後一段時間，今日我差唔多用咗成日去寫，梳理完自己嘅諗法感覺都幾開心😂 呢樣嘢對我嚟講先係最重要🧚♀️🙏🏻✨
即係好似journalling 咁😮，其實呢個方法幾聰明，
讚成！其實講真諗唔明販賣性資源有咩問題。透過勞力、腦力去獲取金錢資源本質上同用性資源都一樣，都係透過出賣自己身體嘅一部分去賺錢，但一旦同性扯上關係就有問題。再向上推點解會有呢個傳統觀念就真係因為所講性別權力框架。甚至係當權者想擁有穩定嘅勞動人口（強迫性愛同婚姻掛鉤）所以特別污名化女性係性方面嘅需求同使用，進行道德綁架。而男性反而因為人類繁殖條件所以係性方面表現積極會被praised
如果唔係我真係諗唔通到底點解我用勞力做地盤甚麼做accounting做腦 同我做sex worker本質有咩方別🤣
呢啲咪偷換概念lor，將性同普通工作混為一談。
一個人嘅性器官同性行為係構成「人格權」同「尊嚴」最核心嘅部分。你可以「租借」你嘅大腦去寫 code，或者「租借」你嘅肌肉去搬磚，但性行為涉及高度嘅親密性同情感邊界
係香港，根據 第200章《刑事罪行條例》 第147條 ，在公眾地方、或在公眾可見的情況下，為不道德目的而唆使其他人，或者為了不道德目的而唆使其他人，而在公眾地方遊蕩，就是違法。 這項罪行的最高刑罰是監禁6個月及罰款1萬元。
宜家你個性資源嘅收穫咁豐富，係因為從事性工作嘅人少，你先食到佢個紅利。當人人都做，咁你就唔會再值錢。變成白菜價。同埋當性合法化，逼良為娼，人口販賣就會幾何級上升。
最簡單一問，你男女朋友老公老婆日日賣自己個性器官俾人睇，日日拍自哋自己做愛過程俾人睇，你接受到？
動作片for the most part 都係「靠男人」先有票房
屌埋Vin Diesel 喇佢地...
咁每日喺豬肉檔嘅叔叔們一定都係「賣肉靠女人」搵食，客人之中還有很多是婆婆。
你問佢：「你想靠女人你有冇咁嘅本事揾到個女人養？」
佢擘脾有冇人要呀？🤣🤣🤣🤣
好喜歡你對關於Gerder論述，實在太貼地太中point，甚至覺得你喺度免費教緊書
你都係靠threads呢個平台先出到呢個post🙂↕️
女權：
男人嫖娼❌
Emilia拍av 再賣比男人✅
結論：他係無訂閱又想睇 但睇唔到嘅人 而且妒忌你搵到錢
我冇訂閱亦都冇興趣 純粹見你唔抵得人靠賣相搵到食來串兩嘴
賣身體果啲應該叫賣淫 佢onlyfans都係賣相片嘅一種 又唔犯法點解要特別針對呢