📌 S小姐係一個場合，知
共 66 條紀錄
S小姐係一個場合，知道我公司要請人，走過嚟自薦。
S：我叫S, 係澳洲讀 Bachelor 同 Master 都係會計系，而家做緊會計，知道你公司請緊人，想向你介紹一下我自己。
我：請問你是CPA嗎?
S：啊，考CPA太辛苦，所以我無考
我：辛苦?????? 啊，咁你而家做會計，會唔會想考返
S：唔使啦，我間公司啲人好低能，唔睇下我係 Master of Accounting，要我屈就做住個 Accountant 先，我同老闆講其實比起個 Department Head，我掂好多，但佢唔理我，證明呢間 XYZ 公司一年先賺得個XX萬係抵死㗎。咁我聽日同你一齊返工?
我：你聽日 send 個 CV 俾我望一望先好嗎?
S: Send 咩啫 send，我而家講俾你聽，你有需要就記低，而且聽日都要跟你去返工
我：停一停先，就算啱，你都要辭工...
S：唔使啦，我間公司淨係得我一個識做嘢，其他全部都係癈柴，等我一嘢整死佢哋，等佢哋唔派 bonus 俾我吖嗱，我睇死佢嚟緊幾年都會蝕錢。咁聽日幾點邊度等?
我:S小姐，我唔清楚你間公司係咩規模，但我公司請人有程序，你可以 send份 CV 俾我或者 HR，如果啱，我哋會約你 interview，唔可能失驚無神帶個人去返工。
S：(提高3倍音量) 挑，原來你無料扮代表，無資格請人，又要我講哂啲背景俾你聽，就唔好係度嘥人時間啦，阻住哂。
總結：係澳洲讀Bachelor 同 Master 會計系，卻嫌辛苦唔去補幾科考埋個CPA，返嚟香港後零經驗卻奢望立即做 Department Head，成日話而家份工有幾屈就佢，老闆有幾剝削，同事有幾唔掂，博老命將公司嘅財政狀況講俾人知，一聽到人公司有空缺就連辭工及申請新工都唔願，要立即跟人家去返工，我相信澳洲絕不會提供爛草莓會計到咁，腦灌水，點請呀!! By the way，我係完全唔識佢嘅，認真無啦啦!!
佢似bachelor and master of 發神經多D
樓主：多口問句？位s小姐有多大？
唉😮💨我想講求人請自己！必先＇禮下於人，必有所求＂
寸成咁！好似自己係腦细咁！
真勁搞笑+無語🙄
考唔到定唔考先
得罪講，cpaa 嗰班咩料，交過手嘅cpa都心中有數🌚
同我一齊見證嘅朋友都係咁講，佢話簡直係增廣見聞 😂😂
你叫佢聽日準時返工，喺舊公司等通知，掂呀，得呀，一聽就知係fit 馬，等通知
佢火星黎㗎？自我中心到咁嘅。。。
interview 必死嘅位佢全部中晒🤭
佢之後 interview，撞啱見佢果個係我個 friend ，除咗用一模一樣嘅字眼數佢舊鋪，重開我公司同我個名，話我其實都係無料扮四條...
咁佢嘅 CV 如果係澳洲大學 Master of Accounting ，咁一定會入到 HR 眼，甚至可能覺得佢好有性格，可以對付公司啲 old seafood而請，不過到時唔知邊個先係 seafood
呢d人千其唔好教精佢，我都幾肯定佢in 邊間都死。。。。
你諗下HR 話要見埋其他candidates，佢就即刻屌柒人，有冇可能去到next round🤭?
啱啱嗰個interview佢已經成功為自由爭取唔到職位
唔好意思，亦唔係想引戰。但係我遇親呢D嘅都係女人。
分分鐘佢個Bachelor定Master都係自己鳩吹出黎！
讀書勁唔等於識做野，見唔少高分低能，
亦見唔少學歷低但識做野又識對人！
1）係香港唔做份工都要俾通知期/擺底錢？😂
2）你話你係澳洲讀master⋯但證書都無俾人望，我話我麻省理工都得啦，吹之嘛😂
3）我相信全世界有少許規模嘅公司都要interview吓😂就算我係上市公司老闆都要跟跟程序啩😂
4）重中之重，呢位朋友係唔識po主，憑咩人地要請你😂
人哋係 Master of Accounting,又做緊Accountant, 應該係 Finance Department 果便決定請唔請佢，我無佢咁白卡，唔敢冒認😂
其實我完全唔識佢，只係啲商務場合，所以唔方便當場反佢枱
得罪講句，做會計冇咩人會讀master of accounting，個牌難好多啦(唔計cpaa)
其實我見佢一開口介紹自己係 Master of Accounting grad, 先隨口問下佢係咪 CPA, 唔係有咩想法，點知跟手就九唔搭八咁
當時聽到嘅朋友，同你有同一個 comment，請佢就等於唔知幾時會爆公司啲數字出去，internal risk 非常大
係商務場合，開飯前嘅吹水時段，同朋友講緊公司好難請到啱嘅人，佢就走埋嚟自薦啦
Preview 都未過到關就諗住有interview
俾resume都好基本，其實interview都要show cert，咩都無就來返工，佢以為香港所有公司都靠關係就入得？係咪新香港人來㗎？😂😂😂
首先真係唔識佢，靠關係最多咪叫 HR 俾埋佢 interview 下, 但一定有幾個人選被 Finance Department 果便揀，最後都未必一定係佢，而且就算點識，都唔會無啦啦話第二日跟我去返工咁大癲，當間公司係我開㗎咩
即係終其一生都只係一個學生，永遠都唔係一個專業人士。
邊個國家來㗎？香港同澳洲大部份公司都唔會冇招聘程序。加上個CPA只係入門票做accountant. Master of Accounting都係由低級做起。佢係咪其實搭雞棚？
唔知咩國家嘅人，外表華裔，操順利廣東話+ 特登講歪啲嘅英文，例如 Master ˈmɑː.stər , 佢會讀成 mɑː.s.tʃər ，詳情就真係唔知
聽聞澳洲畢業既 accounting major 都差不多
有邊閒公司可以無左個員工會死？😅仲有公司盤數甘private点解可以甘大喇叭走圍同人講，比著係老細点會請？
點解可以咁有耐心傾咁耐？淨係低能嗰段已經可以stop