📌 Threads上面所
共 64 條紀錄
Threads上面所有香港人貼文be like：
英國香港人：
美食沙漠，移民太多，搵唔到工，好悶無夜生活，NHS 好垃圾，街童問題好嚴重，好多賊，物價好貴，5+1 變10+1， 好痛苦
加拿大香港人
好凍好凍好凍，移民太多，搵唔到工，好無聊，賺少左錢，福利養懶人，移民開始越來越難，物價好貴，樓下癲佬發癲話要侵略，好痛苦
美國香港人
工作簽證學生簽證全部被歸入中國隊，移民政策收緊。有🔫，毒品，種族歧視問題，有保險都求神拜佛唔洗入醫院，物價好貴，三權分立被瓦解緊，好痛苦
香港香港人
好熱好熱好熱，每個星期都有品牌結業，越來越少人講廣東話，政策與政府發言荒謬，物價好貴，好痛苦
我想講嘅係，人世間不論你身在何處，係咪一個人，有幾多錢，幾多歲，都可以係痛苦的，有句詩我好鍾意，「行到水窮處，坐看雲起時」
行到無路可行了，咪坐低休息下，有時靜落黎解決方案就會出現，而解決唔到嘅事諗來都無用
紐約香港人：鬼佬見到係亞洲人，唔理係香港、台灣、韓國、日本或其他國家，全都被歸類為中國人。而呢度啲中國人呢就成人話自己仲好愛祖國，但個個都好重視要攞綠卡或做美國公民，因為咁就可以輕鬆申請各種社會福利喇 。
行入Canal Street 同Flushing 千祈唔好講中國壞話🤫
London 就 Soho 及附近一帶唔好講中國壞話
好奇點解會覺得種族歧視問題只存在喺美國，
但根據自己嘅留學、工作、旅遊經驗，
歐洲、澳洲嘅歧視問題比較嚴重
的確全部都有，但暫時除左美國無一個領袖會猖狂到公開場合講racist 嘢
其實香港人個default setting係不停衡量呢樣有咩好，有咩唔好，抵唔抵... 絕對唔係壞事黎，不過所有嘢都有兩面，就係咁樣好難真正去體驗D嘢，抱住assumption同expectation係唔會食到真正嘅原味。 與其去評論當地嘅好同壞，不如放低自我跳入去人哋個culture度feel吓？
澳洲香港人：
天氣好，人工高。物慾低。潛水滑雪好開心。穩定生活﹐唔使出post。
英國真係要睇你住邊度地方。如果小鎮真係會悶啲同無夜生活。我諗倫敦，曼城，依啲大城市一定會搵到工同有夜生活，我同我身邊香港人同事同朋友都有穩定工作，生活好正常，我會週末或者bank holiday去小鎮玩轉換心情會真係好舒服，但就唔會住喺小鎮，英國人自己都唔會因為難搵工除非退休或者你係Digital Nomad 無工作地域限制。不過NHS係幾不濟依個真，試過同朋友排急症，真係排好耐，但佢入到去住醫院後，醫院服務質素其實唔太差無乜問題，只果日喺急症室真係等左好多個鐘。我覺得我喺倫敦生活so far幾開心呀，有英國本朋友同事，又有香港人朋友同事，黎左4年幾已適應佢哋嘅文化同點同佢哋相處溝通，萬事起頭難，過左頭一兩年如果開始建立到自己嘅事業同人際關係就會慢慢適應到落黎。
仲想講英國幾好，夏天9pm 都未天黑，涼涼地又乾爽行返屋企好舒服😊
試下欣賞加拿大春夏天嘅天氣，風景，食物(尤其是粵菜)。
勸喻想移民加拿大嘅香港人，無錢真係唔好去。
就算無咁多移民，本來搵工都唔易，如果想搵番香港嘅職位同人工就不如留番喺香港。
過多幾年， 係外國辛苦過生活都會好過會喺香港同大陸人內卷！
你數漏左大灣區腥港人
好正好正，生活又平又靚又正，淘寶包郵，唔洗交智商稅(因為無)，又有制度優勢，果斷施政，陽光施法，欣欣向榮，全家都好幸福！
大灣區香港人
乜嘢都可以用錢解決，俾得起錢乜女都屌得，不過入醫院要準備紅包，仲要小心被活摘器官，有病都係番香港醫。
🙋♀️在英香港人
美食沙漠 - 係架，得閒咪揸車過大海（法國）食野囉
NHS垃圾 - 小病佢彩你都有味，大病佢緊張過你
好多賊 - 周圍都有，自己唔小心，只能怪自己
物價好貴 - 相比兩三年前，而家既升幅冇咁誇張喇，雖然都唔平
芬蘭港人：啲香港人成日以為幸福指數係真既，幸福既北歐人係哂挪威啦，福利吹到唔使做咁，退休前其實咩福利都唔夠生活。
挪威港人：「沉默」
瑞典港人：啲南亞仔後代又亂鳩拎支槍出黎射，黑幫娼狂，個瑞典政府都廢既，今時今日先慢慢後知後覺。
愛沙尼亞港人：一啲都唔先進，成日話愛沙尼亞好先進，先個屁，啲人無表情，似俄羅斯咁，閪口閪面，塔林啲野貴到死，啲樓一殘舊，啲業主成日慳錢唔想出錢整下。
美國香港人：工作簽證學生簽證幾時有分中國隊。。。又唔係green card
除左H1B 工卡同F1學生簽證歸左中國隊，本來香港以前都有綠卡抽籤Diversity Visa 又稱Green Card Lottery，美國USCIS 將香港歸入中國隊之後因為中國都無得抽所以取消埋
我知green card lottery 冇咗，但係H1B不嬲都係global cap，係新加坡同Chile有特別quota
然後F1不嬲都冇分隊㗎喎。。。
你最近有無睇新聞，而家學生簽證香港人同中國人咪同一待遇囉🤡
H1B 你如果係講抽籤名額cap，都要你合資格先可以抽，以前香港人易入仲獨立計算，而家計左落中國隊咪更難入囉🤡🤡🤡🤡🤡 當左你係中國人已經審查更嚴格
F1 係停晒所有interview，唔理你咩國籍
H1B你唔係新加坡智利不嬲都冇分individual countries㗎，所以72.6%印度同12.5%中國，唔會有啲咩獨立計算
審查嚴格係真嘅，which I agree. 不過幾好奇佢會點實行同埋check啲咩重點，係check你同中共有咩connection定只係一刀切🤔。我自己就覺得既來之則安之，如果佢係一刀切到連BNO都搞埋嘅，咁我都冇辦法。
我識個D日本香港人個個都過得好開心，食好野，遊山玩水，返香港又近😆
好中肯，其實相比打仗嗰啲地方飯都冇得食，日日同人搶空投已經好好，而家日日都有細路仔活活餓死⋯現在擁有嘅嘢已經係最好嘅安排，每日都好值得感恩！
加拿大港人：
溫哥華－啲都唔凍，天氣好過香港。
賺少咗錢、福利養懶人係真嘅！
我－啲都唔痛苦啊🤣
德州香港人：
打餐廳工賺tips 賺到笑
買車又買樓
貴？ 我賺得起一d都唔貴
都係，會覺得人生痛苦嘅人，無論身在何地，有幾多錢，都會覺得痛苦🫠
那是因為你喜歡看痛苦topic, 被演算法鎖定了🤣🤣
每個地方都有自身問題。如有地方可以容易賺大錢，治安好，稅低，物價樓價平，環境好，教育好。這像八十年代的香港
香港人：要乜有乜，好悶好無聊，門檻太低，好多閒雜人等，希望天國入籍要求升高
喺以上地方住過5年+就知道呢D描述得非常on point ！😆
紐西蘭啲年青人都流出緊，去到嗰邊可能需要成日去隔離澳洲玩，但至少打仗打唔到過去，因為世界地圖都未必有佢🤣
加拿大吾係好凍啫，係多少少雨，但溫度及濕度非常舒服。侵侵話要侵略對我冇影響，我真係信吾到。
每個人係吾同地方生活都有佢個人嘅感受，鍾意咪鬧鳩自己住嘅地方囉，自由嚟
這幾日更加多呢一類帖文
阿伯舉紙牌被拉、手持鮮花被拉、著黑衫黑褲被拉、食香蕉被拉、阿婆帶住滅蚊燈被關心🙄🙄
近呢1，2年澳洲失業率都越來越高，但之前過得去澳洲ge大部份都搵到工先過去，澳洲就算搵唔到白領做藍領搵ge錢真係多好多好多，再加上澳洲農場都好多工，差在你做唔做
NHS 一啲都唔垃圾，醫療好過香港，英國超市食品平，外出食嘢先貴