Threads大神話我聽 如果屋企個老人家跌親後有幻覺點處理好？
老人家90歲 上星期廁所跌親，痛幾日之後要送入醫院，X光話肋骨有啲裂，唔使做手術，就趕佢返屋企休息。 入院前冇乜事，但訓左日之後就語無倫次，不停有幻覺亂講野，
岩岩十點開始話地下好多藥丸
十一點又話有啲龜仔行黎行去
十二點話個工人踩偏哂啲龜仔
一點鐘話成地都係花生。
平時食開安眠藥訓覺，而家話啲藥全部都係毒藥唔食 搞到二點都唔訓 係咁叫人
我聽朝返早工 有咩計🥴
多謝大家 我搞到四五點終於瞓覺
琴晚佢話我踩爛佢啲藥丸要坐監，鬧左我好耐，之後姑姐佢個囡黎繼續睇佢接力。
睇返呢兩三日係食緊Tramadol 呢隻藥，亦都似有譫妄，因為去醫院的時候就這樣，兩次都係明愛醫院，屋企人成日話係撞鬼，而驚中風問題的就佢個女塞左安宮牛黃丸比佢食🧐
佢不斷話人唔信佢，要自殺
我真係完唔識處理。
老人家跌親好易引發失智
你一係依家同佢睇急症
一係聽日請假同佢睇私家
要返去急症室檢查下，infection同電解質唔平衡都會引致Delirium
有啲止痛藥要調校劑量.跌咗或者做骨科手術醫院會回開中強度止痛藥老人家食咗會有幻覺，如tramadol
佢可能有尿道發炎，通常老人家突然間神志混亂，好大原因是infection , 老人家有infection 會令佢地神志不清
倒返轉睇，老人家會不會係有事至跌到？之前樓下七十多歲婆婆係屋企樓下跌倒，成身損哂，去醫院睇完話無事回家，點知4日後中風！做手術位醫生說她之前跌倒已經出現問題！
安宮牛黃丸其實唔適宜亂食 因為牛黃有通血管成份（薄血） 有中醫講過有時老人家中風腦出血再食會唔止血 仲越發越大
在醫院通常會有這情況，回家幾日觀察下，應該會好，在自己熟悉的地方
照下X ray或者CT睇下個腦先，冇事就安心好多
有時老人家整親，係會嚇親失神既，如果照左冇野，多D陪下老人家，等佢安心
如果係delirium, 都係入院常見
你搵左個GP醫生睇左先,再睇吓點跟進，可能要睇精神科評估。
你話佢跌親之後開始有幻覺，而醫院俾佢嗰隻藥亦有機會導致delirium / hallucinations，又話要自殺。咁嚴重嘅altered mental status已經要同佢去多次醫院啦
樓上已經好多人講咗，譫妄症，一定要再入院，用抗生素治療。我婆婆臨走個一年，反覆幾次，入院幾次
但醫生係知道有譫妄症情況下趕佢出院，
姐係佢判斷係冇其他問題，就叫佢返屋企靜養
我婆婆譫妄多次，都一定需要用抗生素治療，一兩日就好返。但不可能冇抗生素情況下自癒
再入院，我阿公試過，初頭跌到照左冇事，但過了一星就有相似情況，之後再入院，原來係裂左有出血，隔了一個星期積血開始多先出有症狀
我母親都試過同一case。醫院醫生開普通止痛藥，我媽媽仍然叫痛，之後換藥便沒有痛出院。回家後我給了一粒止痛藥給她，之後幾小時馬上胡言亂語，又說有小孩，又抽筋。我差點以為她撞邪。後來一醫護朋友說可能跟止痛藥有關。
一查之下發現此藥有嗎啡成份，有可能令小部分老人家有譫妄症。我馬上停止給她服用，但都要幾天才正常。之後她因為這樣，開始不能落床，身體漸漸變差而卧床。
我上上年爺爺試過咁，你將啲症狀上網search吓，就會知我講咩🥹
希望無事 快d好返