We welcome bunny only, we service bunny only, not human

由舊年年尾，已經有呢個想法，想只係接一批明白我成立護理院的客人，其他就一律唔接......一直都唔想行到呢一步，但無辦法啦，實在太多認唔清自己需要的人，盲目地、未了解清楚自己需要便選擇本院......始終都要咁做，始終都係要行到呢一步

護理院由即日開始，將會以 “選擇性質 ” 接納入住申請，以下入住申請永久不接：
1. 入住期間，如非緊急情況，不會每日WhatsApp報告，每日需要WhatsApp 講呢樣果樣、要send相send片的人，覺得接你一個入住申請，就要全部時間圍住你轉的人，接你一個入住就要全天候圍住你一個人轉；

2. 從未了解清楚本院性質、背景、細則，便盲目選擇的人；

3. 完全無睇清楚入住申請表內細則的人，唔該真係了解清楚先選擇；

4. 價格、環境設施、地址等實用資訊，已完全公開於各平台，以上問題一律不作回覆，更甚係問：“俾d咩水佢哋飲” ！！

5. 本院未能如每一位人客要求，為人類提供穩定人類情緒、安撫人類的心靈此類服務，如渡假都搞到要生離死別一般，請不要選擇入住本院，坊間有很多選擇，請於坊間自行選擇合乎個人需要的服務，本院未能提供此類服務！

坊間有很多提供安撫飼主心靈的服務，請閣下自行選擇令你心安的地方

如果渡個假都要搞到生離死別咁，咁就真係無意思，我真係會、亦試過同個主人講：“取消張機票、cancel 個trip、帶佢返屋企！”

成年人，處理好自己的情緒先做選擇，唔好將自己的情緒，强行要別人負責，真係唔放心的，就好好陪伴係佢哋身邊，有佢地陪伴在側的快樂及安慰，多多錢都買唔到。

利申：以前做私家醫院的老屎忽，一年飛7個國家、每次最少飛兩個星期的人敬上

#會鬧人的酒店