📌 threads有個風
共 65 條紀錄
threads有個風氣係人人都坐商務艙
講到坐商務艙係好容易既事
普通打工仔為左舒服值得洗錢坐
細蚊仔要富養值得坐
咪癲啦
其實坐經濟艙既人先係最大人口
坐廉航既人都多過坐商務艙既人
大家咪再比啲想曬命又怕人話佢晒 就講到坐商務冇乜野 大條道理 去洗白自己唔係曬命既人洗腦
阿姨我做左幾十年人
邊個曬命邊個搭雞棚一眼就睇穿
唔會睇左threads狂推既po就當真相
話比大家知除左曬命既人
仲有班雞棚人係刮乾淨個戶口都要充大頭比人睇
咁先呃到你佢好好景
阿姨你做左幾十年人，自己無錢無機會享受就算吧啦，眼紅人咪認左佢囉！
其實：
1. 坐商務艙唔係難事，問題係有冇需要
2. 為左舒服係好主觀，人人定義唔一樣，如果短途冇checkin luggage，其實我覺得冇mut必要，如果長途，有checkin luggage，係飛機訓一覺好嘅係可以快d調整jet lag 同埋可以快d攞行李離開機場。
3. 坐頭等嘅大部分都係換分或者op up 嘅。係宜家積分貶值嘅年代，真係冇mut嘢。
3. mut嘢年代？仲有坐商務艙曬命嘅窮人思維？一班機最多diamond嘅永遠都係經濟艙，商務最多就係高級藍領落機去返工開會啦。
完。
其實呢，一架飛機嚟講，經濟艙座位數量點都多過商務艙嘅............
我同你睇法唔一樣，
我見到人哋坐商務會覺得自己都要努力搵錢俾自己享受多啲，
亦都會戥嗰個人覺得開心，多謝佢嘅分享，
本身都鍾意睇人哋去旅行同埋坐頭等/商務嘅體驗😅
甚至會特登入航空膳食group度睇吓人哋唔同class啲餐食乜嘢，
鼓勵吓自己繼續喺香港咁高壓咁生存😅
自己就通常long haul/5-6hrs 以上先考慮坐J class,平時飛台灣沖繩嗰啲首選廉航😃
呢個安排都係因為自己身體情況，相比其他人易有經濟艙綜合症
講時講，就算8hr左右都未必坐business，呢個時間都係有啲唔鹹唔淡，反而坐PEY可能仲抵
人哋坐 Business 關你义事，你20年前坐過一次就冇得再坐、都唔駛怨氣咁大吖…..
Thread 度大把人坐廉航你又會見唔到呢啲社會現象？因為你心中充滿怨氣
只要你識玩，其實國泰歐洲來回商務miles票都係1萬多啲。經濟艙現金票都要7000，其實唔係貴好多…
不過我同意你講嘅。
Nyc 要15萬分喎，真係要碌百幾萬先儲到。唔sure d人係咪曬短途命，emirates bangkok好似promo時都係5000幾6000？
坐商務主要分兩批嘅
多數都係公幹、或者出門好多可以有分upgrade，呢啲不是什麼曬命吧？
只係少數嘅人，短途都加錢坐商務影晒相，驚死人唔知
小朋友我就唔傾向俾佢坐商務，免得坐慣咗，第日佢自己去旅行坐唔慣Econ
睇到留言有好多人用唔同嘅藉口想掩飾自己諗住曬命嘅心態😂又話咩好普通好容易，冇咩特別，真係覺得冇特別嘅話就唔會特登po出嚟講啦，又唔見佢哋每次坐經濟艙特登出嚟開post講？😂呢啲叫欲蓋彌彰，講再多嘅說話都掩飾唔到㗎啦，奉勸佢地講少幾句免得露出馬腳
我已經練到三藩市來回香港12個鐘全程坐直瞓覺，唔搞到人。Business 係買畀老婆坐。
真係有3萬幾蚊 兩程business
CX 年年出嘅vantage pass
平到咁都叫雞棚😵💫？
Vantage pass 真係好抵買，LHR+ NRT都係36000左右，接近送咗程NRT
其實我覺得讀國際學校都好普通
Threads 有個風氣人人個小朋友都讀國際學校
咪癲啦
其實讀普通學校既人先係最大人口
阿姨我做左幾十年人
邊個曬命邊個搭雞棚一眼就睇穿
唔會睇左threads狂推既po就當真相
唔通你特登話自己個仔讀國際學校又唔係曬命？
我估計係不同年代人的價值觀不一樣，我以前在香港返工，長trip公司都比business 我坐！反而而家每年加拿大返香港，兩個人原來想坐，一計下條數差唔多十萬，唉算啦，情願留返d錢同屋企人食海鮮（一家20口），去一轉日本咁！
有時再退而求其次，望下啲PYE，兩個人都要4萬幾，我都係坐返Econ，再食兩粒退黑激素，15小時機都可以瞓返6至8個鐘頭！
認同，成日坐business 既人唔會成日曬命，利申，我成日坐business, 我無衝動要晒，因為我慣左，但我有時都要「曬」下，因我職業係要曬下先得😆另一方面，真係有錢人可能會唔覺意「曬」左命，因為佢覺得只係分享日常，但唔係同level既人睇到會覺得係「曬」，而坐慣biz既人睇到其他人「曬」其實又唔會太有感覺，唔知你明唔明
所以我明呢幾類人係諗啲乜
就好似我幾年都唔搭一次的士
睇ig threads會覺得全世界都日日的士uber出入咁🤡
短途Y！去旅行玩，唔使一定J嘅。
尋日CX曼谷返香港，頭兩行Y有幾個Diamond 見到啲黑衫阿姐好忙。
嗰啲人覺得坐商務好容易根本就係事實，差在你有冇心去坐，里數換又得，做航空公司會員又有得輕易upgrade，仲有大把途徑令普通人有機會坐，早多幾個月買分分鐘仲平過你臨出發先至買嘅經濟，其實呢個時候冇人會覺得係曬命，覺得係曬命嗰啲咪就係你呢啲思想守舊嘅老嘢，反而多得你呢啲人令到嗰班人更有優越感！仲要出個post 講到好似好難坐到咁，如果普通要坐就要賣埋層樓先有機會坐到😂
因為而家坐商務艙對比起20年前真係容易咗好多，而唔係一個負擔唔起嘅價錢，亦都因為多咗好多唔同飛行里數嘅program所以令到你就算用分換都可以坐到商務艙，我覺得未體驗過係值得體驗吓嘅， 然而meta 演算法你睇得越多佢就推得越多俾你，所以你就感覺到有好多人曬命😹
其實唔係，好似我咁，飛得唔多，一年都係飛10幾次，除咗B仔 full晒嗰幾次之外其他都係坐商務，但我都冇po相，我身邊嘅朋友都係咁，係好自然嘅事，但po出嚟嘅人唔代表晒命😂 坐經濟又唔代表唔捨得使錢，都係選擇姐
每個人消費模式唔同，好似妳會比錢仔讀IS 咁，人哋就去咗買biz class啫
坐商務冇問題呀
坐飛船都唔關我事
問題係個個為左曬命講到坐商務好基本 好大眾既一件事
搞到個風氣價值觀錯曬
平心而論 而家坐商務艙真係易咗好多
而家後生嘅消費模式唔同咗 個個都碌卡 買嘢買多咗 儲miles都易咗
坐開商務艙都係佢俾返錢我坐🙂↕️🙂↕️🙂↕️
我想舒服啲咪俾多啲錢坐商務，鍾意share咪share，你唔鍾意咪撚睇。唔止坐J ，仲share 埋酒店咁又得唔得
20歲中時用miles換去英國biz, 個空叔好白鴿眼，覺得你根本坐唔起，唔係用錢買。香港做sales/cs既人都好功利。其實我公司派我出差都係坐biz，咁我的確未試過自己俾錢買，去nyc要近10萬，我俾得起都唔捨得
機膠表示我中意比較J class setting…
同埋呢個禮拜真正感受到出trip是真係要biz class的
其實business無想像中咁貴既 北美就算超長途hkg－jfk 果d 時不時幾千蚊美就買到 講緊幾萬蚊其實好多人俾得起 只係大家心裡面覺得值唔值咁解 而且有一大堆人根本係公司俾既自己一蚊都唔駛出 另外加一堆人係里數upgrade既 所以無咩好晒命 你話自己拎錢去買張10幾萬既first class /suite 都可能可以晒下 但咁講啦 出門下下買first既人又有幾多個鍾意出黎晒命 我自己北美往返都只會坐econ 或者premium 係有時真係見到平到笑既offer 比如3000幾蚊張business 既咁就會去買黎坐下
咁我坐經濟艙坐到年年鑽石卡會員呢？可摸耳曬呀auntie 🥹？
其實你日日坐地鐵巴士會唔會post上嚟啊？ 坐程商務又要影相拍片,又要自拍,仲要周圍Post.... 其實咪就係班無錢充太頭啦! 真係平常坐慣的,點會做以上行為...
有啲人
努力番工為 搵錢
搵到錢後 生活係為曬命
最重要係一上機影一張相
post出黎 話體驗坐飛機✈️
你搭巴士 的士 私家車 會唔會影相？
真正俾得起 坐得起既人 坐頭等 都唔會影相
要影相 到目的地咪影
飛機成日都搭有咩好影？
坐商務飛機位有乜好晒命，又唔係all cash買層三千萬既樓
要坐商務艙其實真係唔難，只係有無需要同有無必要。 當然過程有取捨，例如信用卡換飛行里數咪要放棄換禮品或回贈。
有啲人坐商務艙係好開心咪post, 唔當係一回事咪無事。
個人立場，長途PEY 我已經OK。 4個鐘以下商務艙我就無需要喇，反正有公廁lounge 可以入。
Business就搭到雞棚 咁個雞棚都幾流😂
其實同孭個Chanel出街真係無乜分別 唔通你周街見人孭名牌袋就話佢曬命？
話時話呢，都有堆人狂搭hk express，好極端。hke位窄，無野食無行李，個gate又遠，坐得又唔舒服，無服務連水都無滴飲，但好多人好熱愛捕住佢幾時特價就飛
好多換機票，不斷影相見唔少，Post 出嚟只不過係show Off。 其實我經常坐，見到真係一啲經常坐商務艙嘅人，佢哋通常都係睇吓書，做吓公司嘢，休息吓，基本上IFE都好少開。
即係咁…網絡上不嬲就po啲特別野先有人睇
搭廉航，食兩餸飯…9成人既生活，唔通仲po上黎咩
為左流量梗係po下食fine dine﹐搭商務
話唔定果班人儲成年錢先搭到一次
坐biz 就係曬命？
視野唔好咁狹窄啦，人地享受生活分享生活有咩問題？
又唔好講到商務好𠹌難坐先得
你識玩成本可以低過Econ
最簡單去Sapporo econ 過萬
你用里數其實成本七千左右換到Sapporo商務
我都換過十幾次頭等商務來回
普通嘢俾你講到曬命咁
其實坐商務真係唔難
用miles換成本分分鐘仲低過買張econ
與其話人地晒命
不如你唔好做酸民啦
知你幾廿年前坐過
但依家冇得坐唔代表要酸人㗎嘛 姨姨
不過有時坐商務係為咗多行李，畀錢買行李不如畀錢upgrade